Vendimi mbi "ilahitë islamike"

Pyetja: Cili është vendimi mbi ilahitë, të cilat këndohen në mesin e shumë të rinjve, dhe i quajnë "ilahi islamike"?

Përgjigjja: Nëse këto ilahi janë me përmbajtje islamike dhe nuk ka në to diçka nga muzika dhe instrumentet e muzikës, si defet dhe daullet, ose diçka të ngjashme me to, atëherë kjo nuk prishë punë. Mirëpo, duhet pasur parasysh edhe një kusht tjetër të rëndësishëm për lejimin e tyre, e ai është që ajo (ilahija) të jetë e pastër nga kundërvajtjet të ligjit sheriatik, si ekstremizmi apo diçka e ngjashme me të.

Përveç kësaj është edhe një kusht tjetër, e ai është që dëgjimi i tyre të mos jetë i shpeshtë, ngase kjo i largon dëgjuesit e tyre nga leximi i Kur’anit, gjë për të cilën jemi nxitur (për leximin e Kur'anit) nga transmetimet e Sunneteve të pastra pejgamberike. Po ashtu kjo nuk duhet t’i largojë nga kërkimi i dijes së dobishme dhe nga thirrja për tek All-llahu i Madhëruar.

Ndërsa për sa i përket përdorimit të defeve në ilahi, përdorimi i tyre është i lejuar vetëm në një mjedis grash, pa përzierje me burra, dhe kjo vetëm në festat e bajrameve dhe në martesa.